ASÍ SON EU: COMO ME VEN?

Iria? Claro que a coñezo; creo que ten o pelo ondulado, sempre a confundo coa súa irmá. Sempre anda cos seus dous cans: Timmy e Pitusa. E xoga moito cos rapaces da aldea. Creo que quere ser veterinaria porque lle gustan moito os animais. Gustanlle as series Anatomía de Grey e as policiais. Gústalle a neve, sempre que neva anda fóra. Quere viaxar, pero non ten un lugar preferido. De que a coñezo? É miña veciña, vive en Froufe.

(Adolfo, 80 anos, veciño)

Se coñezo a Iria? Como non, e das poucas rapazas a aldea. Gústanlle moito os animais, creo que quere ser veterinaria. Sempre xoga cos rapaces do lugar e anda por aí cos cans. Gústalle ver chover e nevar, sempre mira pola fiestra. Quere viaxar, pero a tantos sitios que non decide cal será o primeiro. Iso me conta cando nos vemos, nas comidas familiares, na compra ou de paseo, sabe? Adoito vela a miúdo. É moi alegre e amable, sempre saúda a todo aquel co que se atopa. E iso é todo o que lle podo contar.

(Carmen, 73 anos, tía- avoa)

ASÍ SON EU: GÚSTAME/ NON ME GUSTA

Gústame:

Durmir sen almofada,o inverno, a neve, os cans, os gatos, xogar no meu pobo, subir ás árbores, acender a cheminea no inverno, pasar tempo cos meus avós, durmir escoitando a choiva, o chocolate, nadar, correr, o olor a herba recen cortada, estar cos meus amigos, a cor azul, xogar cos animais, as orquídeas, madrugar por unha boa causa, as series policiais, ver fotos de cando era pequena, Hawai, Froufe.

Non me gusta:

A guerra, a coliflor con bechamel, a violencia, o rap, a roupa feita con pel de animais, a pobreza, o maltrato animal,a desigualdade, as películas nas que morren animais, a xente que se cree superior, o olor a tabaco, a inxustiza, o zumbido das moscas, as películas de vaqueiros, a envexa, as peras, que me coman no parchís, chegar tarde, perder.